അനാഥത്വത്തിന്റെ ചവർപ്പ് രുചിച്ച് സനാഥത്വത്തിന്റെ ദൂതായ് ജ്വലിച്ച ആ തിരുജീവിതമൊന്ന് വായിച്ചു നോക്കൂ...
ഒറ്റപ്പെടലിന്റെ നീർക്കയം താണ്ടിക്കടന്ന് ഐക്യപ്പെടലിൻ്റെ ആരവം തീർത്ത ആ ജൈത്രയാത്രയൊന്ന് കണ്ണോടിച്ചു നോക്കൂ...
നിസ്സഹായതയുടെ കനൽപഥങ്ങൾ നടന്നുനീങ്ങി പരസഹായത്തിന്റെ പുൽമെത്തകൾ വിതാനിച്ച ആ പ്രബോധന വീഥിയൊന്ന് വീക്ഷിച്ചു നോക്കൂ...
കാണാം തിരുസൗഷ്ഠവത്തിൻ്റെ സപ്തവർണ്ണങ്ങൾ
ഫിദാക അബീ വ ഉമ്മീ യാ റസൂലല്ലാഹ് ...
❤️❤️❤️
പ്രതികാരത്തിന്റെ കൂരമ്പുകൾ ഏറ്റുവാങ്ങി വിട്ടുവീഴചയുടെ വാതായനങ്ങൾ മലർക്കെ തുറന്ന വിശാലമനസ്കതയുടെ പ്രതിരൂപമാണെൻ്റെ റസൂൽ (സ).
അപരനു മുമ്പിൽ അധ്യയനം ശീലിക്കാതെ അധ്യാപനത്തിൻ നറുവെളിച്ചം വിതറിയ നിറപ്രഭയാണെൻ്റെ റസൂൽ (സ).
പശിയുടെ കാഠിന്യം അലോസരം സൃഷ്ടിക്കുമ്പോഴും അപരവയർ നിറയ്ക്കുന്ന തിരക്കിലായിരുന്നെൻ്റെ റസൂൽ (സ).
ഫിദാക അബീ വ ഉമ്മീ യാ റസൂലല്ലാഹ്...
♥️♥️♥️
ഹബീബ് (സ) യുടെ അനുഗൃഹീത ജീവിതത്തിൻ്റെ ഗതിവിഗതികളിൽ ത്യാഗത്തിൻ്റെ മായാത്ത മുദ്രകൾ കാണാം.
അവിടുന്ന് സുഖങ്ങള് ത്യജിച്ചതും ദു:ഖങ്ങള് വരിച്ചതും നമ്മുടെ വഴികളെ പച്ചപിടിപ്പിക്കാനായിരുന്നു. അവിടുന്ന് കൊണ്ട വെയിലുകളാണ് ഇന്ന് നാമനുഭവിക്കുന്ന തണലുകൾ.
നമ്മെ കാത്തിരിക്കുന്ന ജഹന്നം നമ്മെക്കാള് നബി(സ)യെ ആകുലപ്പെടുത്തുന്നു വെന്നറിയുമ്പോള് എങ്ങനെ നാം ഈ നേതാവിനെ സ്നേഹിക്കാതിരിക്കും.
ഫിദാക അബീ വ ഉമ്മീ യാ റസൂലല്ലാഹ്...
♥️♥️♥️
No comments:
Post a Comment