നീ ബാധ്യത നിറവേറ്റിയോ പാഴാക്കിയോ ?!
ഒരിക്കൽ മുത്ത് നബി (സ) ഒരു സ്വഹാബിയോടൊപ്പം കാട്ടിൽ പോയി രണ്ടു അറാക്കുകൾ പൊട്ടിച്ചെടുത്തു. അറാക്കുകളിൽ ഒന്ന് വളഞ്ഞതായിരുന്നു. വളവില്ലാത്ത നല്ല അറാക്ക് തിരുനബി(സ്വ) അയാൾക്കു കൊടുത്തു. തനിക്ക് വളഞ്ഞതും. ഈ പ്രവർത്തി കണ്ട സ്വഹാബി ഉടനെ മുത്ത് നബിയോട് പറഞ്ഞു : അല്ലാഹുവിൻ്റെ പ്രവാചകരേ... അല്ലാഹുവാണ് സത്യം , എന്നെക്കാൾ ഈ നല്ല അറാക്കിനർഹൻ അങ്ങ് തന്നെ. തത്സമയം മുത്ത് നബി (സ) മറുപടി പറഞ്ഞതെന്തെന്നോ : തൻ്റെ ചങ്ങാതിക്കൊപ്പം സഹവാസം നടത്തിയവനോട്, അതെത്ര ഹ്രസ്വമാണെങ്കിലും , ആ സമയത്തെചൊല്ലി "പ്രസ്തുത സഹവാസത്തിൽ അല്ലാഹുവിൻ്റെ ഹഖ് വീട്ടിയോ അതോ പാഴാക്കികളഞ്ഞോ" എന്ന് ചോദിക്കപ്പെടും. ഉത്തമ സഹവാസത്തിൻ്റെ പരിമളമാസ്വദിക്കാൻ തിരുനബിയുടെ തിരുജീവിതം തുറന്നുവെക്കപ്പെട്ടിരിക്കുന്ന പുസ്തകമാണ്.
No comments:
Post a Comment