*കണ്ണുകാണാത്ത പാവക്കുട്ടി*

ചുടുമണലിൽ

ജീവിതം തീർക്കുകയാണയാൾ

അവൾക്കും അവളുടെ മക്കൾക്കുമായ്

നിറയാത്ത വയറും അടയാത്ത മിഴിയും

ത്യാഗങ്ങളേറെ താണ്ടുന്നയാൾ

ചൊന്നില്ലയാളൊന്നും തൻ രക്തങ്ങളോട്

അറിയരുതൊന്നുമെൻ ജീവൻ തുടിപ്പുകൾ

അറിഞ്ഞില്ല അവളും അവളുടെ മക്കളും

വിശപ്പിന്റെ അല്ലലും ഉറക്കത്തിൻ വിലയും

ജീവിതം തിമിർത്താടി പൊളിച്ചു

തനിക്ക് വേണ്ടവർക്കൊപ്പം

പ്രവാസിയുടെ ഭാര്യ എന്നവൾ ഉറക്കെ പറഞ്ഞു

ഇടക്കയാൾ വന്നു തൻ ഭൂമിയിൽ 

നിന്നിടുമയാൾ എണ്ണം ദിനങ്ങൾ

ഓടിടുമയാൾ തൻ നാട്ടുകാർക്കായ്

കൂരയില്ലാത്തവർക്കാരുകൂര വെക്കാൻ

അന്നമില്ലാത്തവർക്കൊന്നു കൈനീട്ടാൻ

തീർന്നിടുമയാളുടെ അവധി

കയറിടും വീണ്ടും മരുഭൂ മണലിൽ

ആളുകൾ അയാളെ , നോക്കി പറഞ്ഞു !!

കണ്ണുകാണാത്തൊരു പാവ തന്നെ !!!