വിവിധ ഫന്നുകളിലായി നൂറിലധികം അതുല്യ ഗ്രന്ഥങ്ങൾക്ക് ജന്മം നൽകിയ മഹാമനീഷി, ദാറുൽ മആരിഫ് സ്ഥാപനസമുച്ചയങ്ങളുടെ കാര്യദർശി, വാരാന്ത ക്ലാസ് ,മാസാന്ത സ്വലാത്ത്, ത്രൈമാസ ദിക്ർ ഹൽഖ തുടങ്ങിയ ആത്മീയ സദസ്സുകളുടെ സംഘാടകൻ, ദഅവാ വിദ്യാർത്ഥികളുടെ വഴികാട്ടി , പ്രലോഭനങ്ങൾക്കോ പ്രകോപനങ്ങൾക്കോ വശംവദനാകാത്ത ശാന്തപ്രകൃത മിതഭാഷി, വാഗ്വാദങ്ങൾക്കോ വിവാദങ്ങൾക്കോ വഴി വെക്കാതെ ആരുടെ മുമ്പിലും സത്യം തുറന്ന് പറയുന്ന തികഞ്ഞ പണ്ഡിതൻ, ആധുനിക സമസ്യകളോടും സംഭവ വികാസങ്ങളോടും യുക്തിഭദ്രമായി സംവദിക്കുന്ന എഴുത്തുകാരൻ, തന്റെ ചിന്താ വൈഭവം കൊണ്ട് പ്രതിബന്ധങ്ങളെയും പ്രതിസന്ധികളെയും ഉന്മൂലനം ചെയ്യുന്ന വിചക്ഷണൻ, മുഴുസമയം ദീനിന് വേണ്ടി ഭഗീരഥ യത്നം നടത്തി "സമയ വിനിയോഗം " പഠിപ്പിച്ച വിദഗ്ധൻ ,തന്റെ സവിധത്തിൽ മസ്അലകളുടെ, വിശിഷ്യാ ,അനന്തര സ്വത്തിന്റെയും സകാത്തിന്റെയും , ഊരാക്കുടുക്കുകളുമായി വരുന്നവർക്ക് സരളമായി പ്രത്യുത്തരം നൽകുന്ന ഫിഖ്ഹീ സ്പെഷ്യലിസ്റ്റ് , തന്റെ അനിതരസാധാരണ രചനാ വിപ്ലവവും അഗാധജ്ഞാനവും കർമ്മ കുശലതയും കണ്ട് ആധികാരിക കൂടിയാലോചന സമിതിയിലേക്ക് തെരഞ്ഞെടുക്കപ്പെട്ട കേന്ദ്ര മുശാവറ അംഗം , പ്രശംസകരുടെ പ്രശംസകൾക്കും പ്രകീർത്തനങ്ങൾക്കും ചെവികൊടുക്കാത്ത വിനയാന്വിതൻ ……..
ഇതാണ് ആ മഹാമനുഷ്യന്റെ ചെറിയ ചിത്രം.അള്ളാഹു ആഫിയത്ത് നൽകി അവരെയും നമ്മേയും അനുഗ്രഹിക്കട്ടെ… ആമീൻ
No comments:
Post a Comment